Kataluniako botiketan hilekoarentzako produktuak doan banatuko dira 2024tik aurrera

2024ko lehen seihilekotik aurrera, Kataluniako botikek doan eskainiko dizkiete emakumeei, pertsona ez bitarrei eta hilekoa duten duten gizon transei kopa menstrualak, kulero xurgatzaileak eta konpresak. Berdintasun eta Feminismo aholkularitzaren, Generalitatearen eta Kataluniako Botiken Elkartearen arteko hitzarmen bati esker 8,5 milioi eurotako aurrekontua bideratuko da horretara. 

Tània Verge-k, Berdintasun eta Feminismoko aholkularitzako kideak, iragarri du berria. Mundu mailan aurrekaririk ez duen proiektua da eta helburua berdintasun menstruala bermatzea da. 

Produktu hauek eskuratzeko interesa duten pertsonek QR kode indibidual eta transferezin bat aurkeztu beharko dute. Kode hau eskuragarri egongo da La Meva Salut mugikorreko aplikazioan. Eskaintzen diren hiru produktuetako mota bat aukeratu ahal izango da beharrizan pertsonalen arabera. 

Neurriak hiru helburu nagusi ditu: justizia soziala sustatzea pobrezia menstruala borrokatuz, justizia klimatikoari aurre egitea urtero berriz erabili ezin litezkeen produktu menstrualek sortzen dituzten 750 milioi hondakin gutxituz eta genero berdintasunean aurrerapausoak ematea hilekoaren inguruan dauden mito eta estereotipoekin hautsiz.