Kaleko Magia Bilbon

Pailazoak arriskutsuagoak dira magoak baino. Pailazo txar batek tristura eragingo dizu normalean eta mago txar batek grazia. Ez dago aitzakiarik bada kalean bere ikuskizuna egiten ari den mago baten aurrean geldialditxoa ez egiteko. 

---

Kaleko Magia Topaketa hauen antolatzaileen arabera, maiatzaren 26tik 29ra Bilboko kaleetan arituko diren mago guztiak onak izango dira gainera: Dani D"Ortiz, Txumagu, Brando, Circus, Miguelillo, Magu Sun, Kayto eta Silvana.
Azken hau, esaterako, argentinatik dator, eta Blackpool-en (Ingalaterra) ospaturiko FIMS Kongresu Europarrean emanaldi originalenaren saria irabazi berria da. Kayto madrildarra egun umentzako mago entzutetsuena ei da estatu mailan. Edo D"Ortiz "hurbileko magia" deritzon espezialitatean kritika onentsuenak jaso dituenetariko bat. Txumagu gasteiztarra eta Magu Sun bilbotarra ere azpimarratu beharkoak dira, eurak baitira Bilboko Udalak antolaturiko Topaketa hauetara gonbidaturiko mago euskaldun bakarrak.
Urtero legez kalean eta doan izago dira emanaldiak. Orain arte Txurdinagan eskaintzen ziren, Garai Lorategiak, Arbidea eta Ilargi erdia plazetan, baina joan den urteko arrakasta ikusita, 2000 ikusle baino gehiago bildu ziren emanaldietara, aurten Otxarkoagara ere zabaldu dira, Ugarte plazara ain zuzen ere.
Bestalde, urtero legez baita, emanaldiekin batera magia tailerrak eskainiko dira. Bat hasi berrientzako eta bestea hobekuntzakoa.