Kafeina, uraren kutsatzailea
Testua: Maitane Legarreta Etxezarreta
@mailegetx
Kafeinadun edariak edatea gustuko badugu ere jendartean, kafeinadun produktuek dituzten psikoestimulatzaileek ingurumenean ere eragina dute. Kafeinaren munduko kontsumoa, elikagai eta edarietan eta farmazia-produktu arruntetan barne, kezka sortzen ari da kostaldeko eta itsasoko inguruneetan.
Kutsadura farmazeutikoari buruzko mundu mailako ikerketa egin dute eta 258 ibairen 1052 lekutan laginak hartu dituzte, hainbat kontinentetako 104 herrialdetan. Kafeina bidezko ur gezaren kutsadura mundu osoan oso hedatuta dagoela jabetu dira ikertzaileak. Izan ere, ibaietako azaleko uretan kontzentrazio handiena duten osagaien artean aurkitu dute, eta laginak hartutako lekuen % 50 baino gehiagotan detektatu dute.
Portugalgo Aveiroko Unibertsitateko (Portugal) ikerlari talde batek gaur egungo probak berrikusi ditu, kafeinak hainbat itsas espezietan duen eragina aztertzeko. Euren arabera, kafeinarekiko esposizioak eragin kaltegarria izan dezake uretako izakiengan, baita kontzentrazio baxuetan ere.
