Itxaro Borda: “Maite ditudanek ez dute diruzko baliorik"

Itxaro Borda: “Maite ditudanek ez dute diruzko baliorik" https://www.gaztezulo.eus/albisteak/itxaro-borda-maite-ditudanek-ez-dute-diruzko-baliorikquot/@@download/image/27p49-1.jpg
2012/12/13
elkarrizketa
Jon Odriozola
Baxenafartarra. Aries. Afizioz, idazlea: ofizioz, postaria. Ameslaria. Bere ahotan: “burugogorra”.

Arrunt laket dut: Lasterka eta Oragarre nire herriko bideetarik ibiltzea.

Ez dut parean ikusi ere egin nahi: Ezintasuna.


Lasaigarria zait: Musika entzutea.

Sutan jartzen nau: Gure arteko demokrazia eskasak.


Gustura irakurri nuen:  Gao Xingjianen "Arimaren mendia".

Lo seko geratu naiz irakurriz: Ez dut astirik loak hartzeko. Liburu bat ez bazait gustatzen, lehen hamar orrialdeak irakurri eta utzi egiten dut.
.

Bertutea: Iraupena.

Akatsa: Munduko akats humano oro.


Ametsa: Luzaro bidaiatzea.

Amesgaiztoa: Batzuetan, egunero lanera joatea.


Barre algara eragiten didate:  Bizitzako egiazko istorio eliptiko zenbaitek.

Negargura ez dut urruti: Etxerik gabekoen bakardade eta biluztasuna haztatzean.


"Anttoni, Anttoni, zure atean nago ni…" : Arraroa; beraz, estimagarria.

"… ai Antton, ai Antton, ate ondoan hor konpon":
Olerkietan idatzi bezala, nehoiz ez maitatua eta azkenean, hamabost axola...  


Urrea: Naturari, udaberrian.

Ikatza: Hondartzak, mendiak eta jendeak "zikintzen" dituztenei.


Jatean hatzak zupatzen ditut: Normalean ez, baina, bai, oilasko hegal hezurrak.

Gogoko ez dudan jakia: Ardikia.


Dirua ordainduko nuke: Maite ditudanek ez dute diruzko baliorik.

Ez nioke eurorik ere emango: Ez naiz hain zekena edo zuhurra!


Urte berriari zera eskatzen diot: Egunak eta gauak bata bestearen ondotik ekar ditzala, lan egin eta maita dezadala.
Satanek berarekin eraman ditzala: Eraman nazala ni hasteko, irri ausarki egin dezadan Zuberoako Satan dantzari trebe, trufalari eta sarkastikoekin.