Ismael Iglesiasen filmak eta ikus-entzunezkoak ikus daitezke Bilboko Rekalde Aretoan

Ismael Iglesiasen Etxe-bide erakusketa pantaila stargate izatearen ideian sakontzen du, atari, ate edo leihoa, eta mugitzen ari den irudiaren bidez errealitatetik ihes egiteko aukera eskaintzen dio ikusleari. "Irudiaren bidez autonomia propioa transmititzen saiatzen naiz, azalera bolumetriko konplexuak eta gogorapen ugariko azalerak sortuz, non klasikoa, futurista, zibernetikoa eta antzerkikoa elkarrekin bizi diren", azaldu du egileak.

Rekalde Aretoan erakusten diren filmek euren artean harremana dute eta ikuslea bere interpretazioa sortzera gonbidatzen dute. "Nire filmetan terrore psikologikoa sortzeko gaitasuna ikertzen dut, soinuaren testuingurutik ateratzearen, enfokearen anbiguotasunaren eta gidoiaren ulertezinaren bidez, indarrean dagoen arautik kanpo". "Norberaren burua askatzea" aholkatu diete bisitariei. 

Erakusketaz gain, bisitak, umeentzako ekintzak eta tailerrak ere egingo dira. Jarduera guztiak doakoak izango dira eta nahitaezkoa izango da aldez aurretik izena ematea 944068532 edo salarekalde@bizkaia.eus-en.