“Illegal"

Esku Beltzaren itzalak bizirik dirau. Manu Chao-ren Radio Bemba Sound System-en zuzeneko lanak Mano Negraren musika ez dela hil erakutsi du, eta oraingo bilduma honetan hogei taldek eta abeslarik jantzi berria jarri diote Mano Negraren musikari. Fermin Muguruza, Skunk, Big Mama, Flor de Fango, Yuri Buenaventura, Ska-P, La Ruda Salska-k... klasikoak diren kantuak hartu eta modu askean bersionatu dituzte. Emaitza, kolore askotakoa. Ilegalak eta harro.