Historikoa: NBAko Milwaukee Bucks taldearen boikota Jacob Blake-en kasua dela eta

Historikoa: NBAko Milwaukee Bucks taldearen boikota Jacob Blake-en kasua dela eta NBAko Playoff-en jardunaldia bertan behera geratu zen atzo, Milwaukee Bucks-eko jokalariek, eta ondoren gainerako taldeek, Jacob Blake-en aurkako erasoa salatzeko boikota egitea erabaki baitzuten. https://www.gaztezulo.eus/albisteak/historikoa-nba-ko-milwaukee-bucks-taldearen-boikota-jacob-blake-ren-kasuarengatik/@@download/image/ca-times.brightspotcdn.com.jpg
2020/08/27

Testua: Gaizka Izagirre @Gaizka_Izagirre

NBAko Playoff-en jardunaldia bertan behera geratu zen atzo, Milwaukee Bucks-eko jokalariek, eta ondoren gainerako taldeek, Jacob Blake-en aurkako erasoa salatzeko boikota egitea erabaki baitzuten.
Historikoa: NBAko Milwaukee Bucks taldearen boikota Jacob Blake-en kasua dela eta

George Floyden hilketa oraindik ere memorian bizi-bizi dagoela, poliziak zazpi aldiz egin zion tiro bizkarrean Jacob Blakeri, autoan sartzera zihoan unean. Gertaera latz horrek,  lehen inpaktua izan du NBA liga ezagunean. Asteazken honetan eta asteazkenetik ostegunerako goizaldean jokatu behar ziren partida guztiak bertan behera geratu baitira, tartean zeuden 6 taldeek jokatzeari uko egin ostean. Boikota Milwaukee Bucks-ek hasi zuen, Orlando Magic-en aurkako kanporaketako bosgarren partidara ez aurkeztu ondoren.

 Zuzendaritzako kideak eta jokalariak AdventHealth Arenan azaldu ziren arren,  ia ez ziren aldagelatik atera eta jokalariek ez zuten irten nahi izan. Bucks-ek bost jokalari iragarri zituen. Magic taldeak erabakia onartu zuen, nahiz eta jokalariak berotzen hasi ziren, eta ez ziren aurkeztu ere egin.

 Jokalariak goizaldean bildu dira, datozen egunetan jarraitu beharreko bide-orria ezartzeko, eta denboraldia kolokan dago une honetan. NBAk ez daki zer gertatuko den , eta litekeena da beste 3 partida bertan behera uztea. Jardunaldia Jazz eta Nuggets taldeen arteko seigarren partidarekin hasiko litzateke, Raptors eta Celtics-en arteko ekialdeko finalerdietako lehen norgehiagokarekin eta Mavericks eta Clippersen arteko seigarrenarekin.

Aurkezteari uko egin ziotela iragarri ostean, Alexander Lasry frankiziako presidenteordeak bere sare sozialen bidez adierazi zuen Jacob Blake-rekin izandako gertaerek muga guztiak gainditu zituztela: "Gauza batzuk saskibaloia baino garrantzitsuagoak dira. Jokalariek eta antolakuntzak berak gaur hartutako jarrerak kokoteraino gaudela erakusten dute. Ongi da. Aldaketak behar ditugu. Oso harro nago nire jokalariez, eta % 100 babestuko ditugu benetako aldaketa lortzeko eta laguntzeko ".