'Hil Kanpaiak' filmaren errodajea laster martxan!
33 ezkil, Miren Gorrotxategi azpeitiarraren lehen eleberria, zinemara eramango dute. Gorrotxategiren liburuan oinarritutako filma euskaraz grabatuko dute eta Imanol Rayo nafarra izango da zuzendaria. Rayoren bigarren filma izango da Hil kanpaiak; aurrekoa ere, Bi anai, liburu baten egokitzapena izan zen, Bernardo Atxagarena, kasu horretan.
Aktore zerrenda garrantzitsua biltzea lortu du gainera istorioa pantailaratzeko: Eneko Sagardoy, Itziar Ituño, Josean Bengoetxea, Itsaso Arana, Yon Gonzalez, Asier Hernandez eta Iñigo Aranburu besteak beste.
Alba Produkzioak ekoizturiko thriller honek, drama familiar bat izango du ardatz eta baserrian lurperatua topatuko duten burezur batek hautsak harrotuko ditu. Familiako aitak -Ferminek- aurkikuntza misteriotsu hori deskubritu eta aste batzuk beranduago gainera, hilik azalduko da.