Herrien Astea Errenterian

Herrien Astea Errenterian https://www.gaztezulo.eus/albisteak/herrien-astea-errenterian/@@download/image/20111187212palest.jpg
2012/12/13
berria
Bizi dugun krisi globalaren baitan hainbat herri altxa dira bizi zuten egoera bidegabearen aurka. Bizi dugun krisi globalak emigranteak kolpatu ditu gogorren. Altxa diren herriei eta gure artean bizi diren emigranteenei eskaini die astea Mikelazulo Kultur Elkarteak. 

Gure artean bizi diren  beste herrialdeetako kideak ezagutu eta kultura elkarrekin lantzeko helburuarekin antolatu izan dute Mikelazulokoek Herrien Astea. XVI. edizioa da aurten eta krisi globalak komunitate hauei eman dien atzaparkadaren inguruan gogoeta zabaldu nahi izan du Kultur Elkarteak. Emigratzea eskubidea dela eta bizirauteko egiten dela, krisiaren eragileak etorkinak ez diren arren garestien ordaintzen ari direnak eurak direla, kultur desberdintasuna etorkinen eskubideari traba jartzeko aitzakia bihurtzen ari dela, eta elkartasuna landu beharra dagoela zabaldu nahi dute.

Eta aurten munduan zehar zapalkuntza egoeren aurka altxatu diren herriei ere egin nahi izan diete tartea.  


Egitaraua


Azaroak 15-  asteartea, Mikelazulon 19:30 tan: Hitzaldia.
“Tunisia eta mundu arabiarrean irekitako prozesu iraultzaileak" -

Azaroak 16- asteazkena, 19:30 tan Mikelazulon: Hitzaldia.
“C.E.N.I. (Kurdistango emakumeak Bakearen alde)”

Azaroak 18- ostirala, 19:30 tan Mikelazulon: Hitzaldia.
“Bi emakume euskaldun Palestinatik bueltan.”

Azaroak 19- larunbata, 19:30 tan Niessen aretoan:
“Biutz” lan amaitugabearen erakustaldi irekia.  

21:30 tan Txintxarri Elkartean,
 Afaria: Kurdistan.

Azaroak 20- igandea, 15:00 tik aurrera,
Iztietako ibaiaren pare doan bidegorriko paretetan eta Leku- Onako eraikin zaharreko paretetan: Graffiti erakustaldia.

ERAKUSKETAK:  
Xenpelar etxean: Azaroak 14- 27. “Mujeres campesinas”
Enrique Pimulier.

Mikelazulon: hilabete osoan zehar: “Centro américanas así somos así luchamos”
Raquel Durán eta Amaia Vicente.