Hau al da Christian Bale?

Hau al da Christian Bale? Aktoreak bere fisikoa erabat eraldatu du Dick Cheney AEBetako presidenteorde ohia interpretatzeko; ezagutzen duzu? https://www.gaztezulo.eus/albisteak/hau-al-da-christian-bale/@@download/image/1538609506_245242_1538609832_noticia_normal.jpg
2018/10/05
albiste-laburra
Aktoreak bere fisikoa erabat eraldatu du Dick Cheney AEBetako presidenteorde ohia interpretatzeko; ezagutzen duzu?
Hau al da Christian Bale?

Muturreko aldaketa fisikoen aktorea da Christian Bale. 2004ean, aktoreak 30 kilo galdu zituen The Machinist filmeko protagonista gorpuzteko; ondoren, hilabete gutxitan bere ohiko itxura errekuperatu eta muskuluak izugarri landu zituen Batman begins-eko saguzarraren rolerako; ondoren, muskulu guztiak galdu eta kilo mordoa irabazi zituen American Hustle filmerako. 

Aktoreak, bere gorputza muturrera eramateaz nazkatuta, adierazi zuen ez zuela halakorik gehiago egingo; baina aurten estreinatuko duen Vice filmeko rolak erabat txunditu du Bale: "Ezin izan dut rol hau interpretatzeko aukera pasatzen utzi; Adam McKay-k sekulako gidoia idatzi du".

Hala, 18 kilo irabazi ditu aktoreak  Dick Cheney AEBetako presidenteorde ohia interpretatzeko. Presidenteordea G.W. Bush-en agintean izan zen, eta filmak bere istorioa kontatzen du. Baleren azken eraldaketa fisikoa izango ote da?