Hartortxu Rock jaialdiaren 28. edizioko lehen baieztapenak

Antolakuntzak aurtengo lehenengo taldeen izenak ezagutarazteaz gain azpimarratu nahi izan dute bide honetan “milaka lagunen elkartasun eta konpromezua” eduki dutela eta eurak izan direla “ibilbide honetan protagonista”, eta beraiengatik  “dispertsio politika krudelaren amaierara” iritsi dela aldarrikatu nahi izan dute.

Amaiera horri keinu eginez aurtengo edizioaren leloa “AMAIERA BERRI BAT” izango da, “erronka berriak, ETXERA bidean”. 

Momentu berezi honetarako hauek dira baieztatutako lehen taldeak: Auxili, Los Chikos del Maiz, Burutik, Los Zopilotes txirriaos, DJ Reimy eta Skabidean. Sei talde hauek, beste gehiagorekin batera arituko dira abenduaren 16an Atarrabian. 

Aurrerapen honekin batera, antolakuntzak beste iragarpen berezi bat ere egin du, lehendabiziko 500 sarrera prezio murriztuan jarri dira salgai. Sarrerak eskuragai euren webgunean.