'Handia', handitzen: 'European Film Awards' sarietarako izendatu dute!
Orain egun batzuk jakin genuen Oscar sarietan, Ingelesez besteko filmen atalean Espainia ordezkatzeko hiru hautagaietako bat izango dela. Hori gutxi balitz, orain minutu gutxi barru jakin dugu, Europan zinemaren munduan ematen diren sari prestigiotsuenetarako hautagai ere izango dela.
Albistea, webgune ofizialean argitaratu ostean, twiterren ere hasi da albistea pixkanaka zabaltzen.
Handia, beste 48 filmekin batera lehiatuko da azken izendapena lortzeko.
Sari hauen garrantzia zenbatekoa den neurtzeko,azken urteetako irabazleen izenak ikusi besterik ez duzu:
2017 The Square (Ruben Östlund)
2016 Toni Erdmann (Maren Ade)
2015 Youth (Paolo Sorrentino)
2014 Ida (Pawel Pawlikowski)
2013 La grande belleza (Paolo Sorrentino)
2012 Amour (Michael Haneke)
2011 Melancolía (Lars von Trier)
2010 The Ghost Writter (Roman Polanski)
2009 Das weisse Band (Michael Haneke)
Zorionak eta ea aurten, izen potolo horien artean, Jon Garaño eta Aitor Arregiren izenak ikusteko aukera dugun!