Gradu amaierako lana; 10 zuhaitz landatzea
2019/06/07
Ane Urrutikoetxea @aneurruti
Filipinetan, unibertsitateko ikasle guztiek bete behar dute baldintza hori legez.
Hemendik aurrera, Filipinetan gradua atera duten ikasleetako bakoitzak 10 zuhaitz landatu beharko ditu legez. Hain zuzen, Gary Alejano kongresistaren lege proposamena onartu dute maiatzaren 19an; Alejanok 2016ean egin zuen lehen proposamena.
Eta zergatik atera dute lege berri hori? Zifrei erreparatzen badiegu, baso mozketa ilegalaren ondorioz, herrialdeak bere basoen %30 galdu du. Alta, lege berriari esker, ikasleek 175 milioi zuhaitz landatuko dituzte urtero; horietatik soilik %10 bizirauten badu ere, 525.000 milioi zuhaitzen belaunaldi berria izango du Filipinak. Poztekoa, ezta?
