Gose-triskantzak

Hanburgesa jaten ari zela, ahoa toperaino zabaldu nahi eta... masailezurra dislokatu du Floridako 38 urteko Chad Ettmueller gazteak; dislokatze bikoitza, Emory Memorial ospitaleko parte medikuaren arabera. Ez baitzuen edonolako hanburgesa eskatu, Wicked (deabruzko) izenekoa baizik: bost haragi puska hiruna gazta xerrarekin. Egun osoa mokadurik gabe pasatu ondorengo antsietatea garesti ordaindu du, ebakuntza batekin hain justu.