Gomorra

Roberto Saviano idazleak liburua idatzi zuen, baina Camorrari ez zitzaion sobera gustatu; orduz geroztik, ezkutuan bizi da. Hortaz, auskalo zer gertatuko den orain Mateo Garrone zine zuzendariarekin. Izan ere, Garronek pantaila handira eraman du Savianoren liburua, eta Camorrari buruzko erretratu gordin eta interesgarria egin du. Canneseko zinemaldian harrera beroa egin zioten eta epaimahaiaren saria eskuratu zuen.