Goi mailako dokumentalak ikusgai Villabona.dok zikloaren bigarren edizioan

Goi mailako dokumentalak ikusgai Villabona.dok zikloaren bigarren edizioan https://www.gaztezulo.eus/albisteak/goi-mailako-dokumentalak-ikusgai-villabonadok-zikloaren-bigarren-edizioan/@@download/image/villabonako_dok_1399534045.jpg
2014/05/08
berria
‘Mariposas en el hierro’, ‘Echevarriatik Etxeberriara’, ‘Euskal Herria: ezkutuko zorra’ eta ‘No more tour’ dokumentalak, besteak beste, ikusgai izango dira maiatzaren 12tik ekainaren 11ra, astelehen eta asteazkenetan, Villabonako Gurea Antzokian.

Bigarren urtez, goi mailako hamabi dokumental izango dira ikusgai datorren hilabetean Villabonan. Gai sozialak lantzen dituzte, Euskal Herrikoak nahiz atzerrikoak, eta guztiak azken hiru urteetan ekoitziak izan dira. Tartean, Nocem Calladoren La mujer y el agua, Estizen Mirandaren Egiaren hazia, Helena Bengoetxearen 827 km sin retorno, eta Jorge Gil Munarrizen El método arrieta.

Emanaldiak astelehen eta asteazkenetan izango dira, hiru euroren truke, Gurea Antzokian 21:00etan. Baina ziklo osorako bonoa eskuratzen dutenek, 20 eurogatik ikustaldi guztietara sartzeko aukera izango dute.

Egitarau osoa


Maiatzak 12, astelehena
Bertha Gaztelumendiren Mariposas en el hierro euskaraz eta gaztelaniaz.

Maiatzak 14, asteazkena
Nocem Colladoren La mujer y el agua hainbat hizkuntzatan.

Maiatzak 19, astelehena
Ander Iriarteren Echevarriatik Etxeberriara euskaraz.

Maiatzak 21, asteazkena
Fernando Lopez Castilloren Mar de arena gaztelaniaz.

Maiatzak 26, astelehena
Edu Gonzalezen Euskal Herria: ezkutuko zorra hainbat hizkuntzatan eta Estizen Mirandaren Egiaren hazia euskaraz.

Maiatzak 28, asteazkena
Helena Bengoetxearen 827 km sin retorno hainbat hizkuntzatan, eta Pedro Gonzalez Kuhnen La gran desilusion gaztelaniaz.

Ekainak 2, astelehena
Jorge Gil Munarrizen El método Arrieta gaztelaniaz.

Ekainak 4, asteazkena
Marcel Barrenaren Món petit katalanez.

Ekainak 9, astelehena
Daniel Gomez eta Fermin Muguruzaren No more tour hainbat hizkuntzatan.

Ekainak 11, asteazkena
Alvaro Fierro eta Joseba Gorordoren 160 metros hainbat hizkuntzatan.