Getxophoto irudi jaialdiaren 17. edizioa ospatuko da ekainean
2023/05/31
Testua: Jaione Dagdrømmer @hellehellei
Getxophoto Irudi Jaialdiaren 17. edizioak herritarrak gonbidatuko ditu gero eta bizkorragoa den mundu honetan etena! egitera.
Formatu, euskarri eta espazio ez-konbentzionalak erabiltzearen aldeko apustua egiten duen irudi-jaialdia ekainaren 1etik 25era egingo da. Bertan, Suitza, Japonia, Maroko, Ekuador, Mexiko, Argentina, Erresuma Batua, Brasil edo Greziatik etorritako 22 artistak beren lanak erakutsiko dituzte beste hainbeste erakusketa eta instalaziotan (gehienak aire zabalean)
Egun gutxitan hasiko den jaialdiaren 17. edizioko leloa ETENA! izango da. Gero eta azkarrago doan mundu honen aurrean, etenaldiaren potentzial politikoari buruzko hausnarketa egin nahi du, geldialdia ez baita pasibotasunaren eta are gutxiago deskonexioaren sinonimoa.
Jaialdiari buruzko informazio guztia Getxophoto-ren webgunean.
