Getxoko Komiki Azokak bere 21. edizioa ospatuko du irailaren 29tik urriaren 1era

Ohi bezala, sektoreko ekintzaileei omenaldia egingo zaie eta aurten Ana Miralles artista beteranoa eta Mikel Begoña euskal gidoilaria izango dira protagonistak.

Getxoko Kultur Etxeak jakinarazi duenez, erakusketan artista entzutetsu batzuk ere izango dira, horien artean Natacha Bustos, aurtengo kartelaren sortzailea. Azokaren merkataritza gunea 40 salmenta postuz osatuta egongo da eta Areetako Geltokia plazaren ondoan kokatuko da. Jardueren programa, berriz, Romo Kultur Etxean egingo da, azken edizioetan bezala. 

Aipatu bezala, aurtengo kartela Natacha Bustosek (Eivissa, 1981) egin du, Espainiako Estatuko egile ezagunenetako bat da. 2020an, Carmen Carnerorekin batera, belaunaldi berriko zortzi artista oparoenetako bat izendatu zuen Marvelek stormbreak programan parte hartzeko, argitaletxe estatubatuar handiaren marrazkilari gazteen elitean. 

Izen handi gehiago baieztatzear daude, beraz, adi egon, komiki-zalea bazara galdu ezineko hitzordua da eta!