Gente di Roma (Gente de Roma) ***

Gente di Roma (Gente de Roma) *** https://www.gaztezulo.eus/albisteak/gente-di-roma-gente-de-roma/@@download/image/57p54-4.jpg
2005/11/04
kritika
Testua: Iñaki Lazkano
Aktoreak: Zuzendaria: Ettore Scola. Aktoreak: Giorgio Colangeli, Antonello Fassari, Fabio Ferrari, Forenzo Fiorentini. Generoa: dokudrama. Herrialdea: Italia. Urtea: 2003. Iraupena: 100 minutu.  
57.zenbakia
Bideo-kamera digitalaz filmatu du Ettore Scolak dokumental interesgarri hau, eta bideo-kamera horren jopuntua, Europako hiri zaharrenetako bat da: Erroma. Scolak erromatarren bizimodua erakusten du; hiriko plaza, kale, taberna, autobus eta tranbien arnasa bere eginez. Zinemagile italiarraren begiradan bestelakorik ere bada, ordea: arloteak, eskaleak, etorkinak… eta bakardadea. Dokumentalean Ettore Scolaren adiskide minak ere azaltzen dira. Besteak beste, Stefania Sandrelli aktorea eta Nanni Moretti zinemagilea. Arrazismoa, langabezia, bakardadea eta gizatasuna malenkoniaz eta umore ukituz ere erretratatzen du Ettore Scola maisu beteranoak dokudrama inperfektu baina hunkigarri honetan.