Gazte Euskaltzaleen Topaketa egingo da asteburuan Aretxabaletan

Datorren larunbatean, ekainak 17, Gazte Euskaltzaleen I. Topaketak egingo dira Aretxabaletan, Gazte Euskaltzaleen Sareak antolatuta. Luze zabalean errotu / harrotu dadin leloa hautatu dute egun horretarako. 

Goizeko bederatzi eta erdietan izango da harrera, eta hamarretan hausnarketa guneak eratuko dituzte. Bi gairen inguruan egingo dute gogoeta: euskalgintza gazte mugimenduetatik eta hezkuntza euskaraz!

Eguerdiko hamabi eta erdietan hasiko dira tailerrak. Honako hiru hauek izango dira: Gazteak, euskaldunak, eta zer?; Euskara eta beste borroka batzuk lotuz. Ikuspegi intersekzionala lantzen; eta kaleko euskara(k) (bir)sortzen.

Bazkaria egingo dute ordu bi eta erdietan eta arratsaldeko bostetatik aurrera pintxada-poteoa izango da.

Hemen eman behar da izena topaketan parte hartzeko.