Gasteizko 'Gauekoak' programak hemeretzi jarduera eskainiko ditu ekainera bitartean

Gasteizko Udalak, Gazteria Zerbitzuaren bitartez, Gauekoak programa jarri du martxan beste behin, 16 eta 30 urte bitarteko gazteentzako "aisialdi alternatibo, hezigarri eta osasungarrirako". Gazteen arloko erakunde eta elkarteek zein herritar partikularrek egindako proposamenak garatzea da ekimenaren helburua, aisialdiaren, kulturaren eta sozializazio osasungarriaren aldeko apustua eginez, parte-hartzea bultzatuz eta euskararen presentzia ere sustatuz.

Jarduerak mota askotakoak izango dira -abentura, umorea, kirola, kultura, lantegiak…-, eta horien % 60 euskaraz egingo da. Era berean, ‘proiektuen poltsa’ sortu dute, gazteek, kolektiboek eta elkarteek emandako ideiak Gauekoak programaren barruan gauzatu ahal izateko. 

Honako ekitaldi hauek antolatu dituzte egitarauaren barruan otsailetik ekainera bitartean:

• Otsailak 11, ostirala
  • 19:00. Stand up comedy. Bakarrizketa saioa (Alazne Etxeberria eta Eñaut Zuazo)

• Otsailak 19, larunbata
  • 10:00. Esposizio ete errebelatze analogiko tailerra

• Otsailak 25, ostirala
  • 17:00. Escape Room: Bizitza nuklearra
  • 17:30. Sukaldaritza japoniarra

• Martxoak 5, larunbata
  • 11:00. Afrikako dantzak

• Martxoak 12, larunbata
  • 10:00. Diseinu lantegia
  • 19:30. Renascenti antzerkia

• Martxoak 19, larunbata
  • 10:00. Koadernaketa

• Martxoak 26, larunbata
  • 10:00. Joskintza lantegia: oihalezko konpresak

• Apirilak 1, ostirala
  • 17:30. Sukaldaritza amerikarra

• Apirilak 2, larunbata
  • 08:00. Ferrata bidea Sobronen.

• Apirilak 8, ostirala
  • 18:30. Pole dance

• Maiatzak 7, larunbata
  • 08:00. Eskalada batailoa

• Maiatzak 14, larunbata
  • 10:00. Eskaneatze eta errebelatze digital lantegia

• Maiatzak 20, ostirala
  • 17:30. Gozogintza lantegia

• Maiatzak 21, larunbata
  • 10:00. Moonkey Pills: akroyoga

• Ekainak 4, larunbata
  • 17:00. Ez gara weirdoak, argazki erakusketa eta mahai-ingurua

• Ekainak 11, larunbata
  • 08:00. Paddlesurf-a

• Ekainak 17, ostirala
  • 20:00. Denboraldiko amaierako jaialdia

Ekintza guztiak doakoak izango dira eta sarrerak jarduera baino bi aste lehenagotik egongo dira eskuragarri Gasteizko Udalaren webgunean, jarduera bakoitzaren orrialdean bertan. Ikastaroen eta lantegien kasuan, berriz, jarduera bakoitzari dagokion izen-emate data argitaratuko da.