Gararen festa handia Anoetako belodromoan
Ane Urrutikoetxea @aneurruti
Bi hamarkada bete ditu aurten GARA egunkariak, baina ez daude kandelak itzaltzeko moduan. Hain zuzen, Egin itxi eta bi hamarkada geroago, aurreakordio batera iritsi dira Gizarte Segurantzarekin, eta 3 milioi euro baino gehiago ordaindu beharko dituzte. Eginen zorra ordainaraztea "erabat bidegabea" dela salatu zuten, eta geroztik "zor bidegabe" horri aurre egiteko hainbat ekimen jarri dituzte martxan.
Hala, ekainaren 9an Gara egunkariaren aldeko festa handia antolatu dute Donostian, Anoetako belodromoan. Iragarri berri dituzten musikari parte-hartzaileen artean daude Berri Txarrak, Huntza, Talco, Gatibu, Los Zopilotes Txirriaos, Nogen, La Furia, Itziarren Semeak, Esne Beltza, Hesian, Siroka, Valtònyc eta Soziedad Alkoholika taldeak.
Emanaldirako sarrerak apirilaren 23an jarriko dituzte salgai naiz.eus atarian, 18 eurotan. Dena den, Lemoako Gazte Topagunean eta Akeita NAIZ Gunean, 15 eurotan izango dira eskuragarri. Aldiz, egunkariko harpideek etxean jasoko dituzte sarrerak. Informazio gehiagorako hemen.
