Frantzian, bere sabelean 16 kilo plastiko zituen, bale bat hondartu da

Frantzian, bere sabelean 16 kilo plastiko zituen, bale bat hondartu da Izugarri argal zegoen bale bat hilda agertu da frantziako hego-mendebaldeko kostan, sabelean 16 kilo plastikorekin. https://www.gaztezulo.eus/albisteak/frantzian-bere-sabelean-16-kilo-plastiko-zituen-bale-bat-hondartu-da/@@download/image/GettyImages-1231805079.jpg
2021/05/25

Testua: Jaione Dagdrømmer @hellehellei

Izugarri argal zegoen bale bat hilda agertu da frantziako hego-mendebaldeko kostan, sabelean 16 kilo plastikorekin.
Frantzian, bere sabelean 16 kilo plastiko zituen, bale bat hondartu da

Hotz eta zurrun aurkitu zuten hondarretan, ahoa irekiarekin. Bere sabelean, baleak 16 kilo plastiko zeramatzan. Cuvier (Ziphius cavirostris) deitutako espezie mokoduna zen, emea eta 5 metro luze gutxi gora behera. Bere gorpuaren zati bat jada deskonposizio fasean zegoen. Bizitza kendu zion zaborrak berriz, mendeak beharko ditu degradatzen.

Messanges deitutako hondartzan aurkitua izan zen gorpua, Frantziako hego-mendebaldeko kostan. Bertatik atera zutenean autopsia egin zitzaion bere heriotza zer dela eta gertatu zen jakiteko. Baionako Itsas Arima behatokian egin zitzaizkion probak eta zehaztu zuten bere sabelean zuen plastiko kopuruak eragin ziola heriotza. 

Zoritxarrez, ez da lehen aldia ugaztun erraldoi bat plastiko kutsaduragatik hiltzen dela. Aurkakoa, horrelako jazoerak ohikoak dira, gure itsasoetan amaitzen duten hondakin kopuru izugarriagatik. Balearen barruan aurkitutako gauzen artean plastikozko poltsak, plastikozko ontziak eta pasta paketeak zeuden. 

Behin mota honetako zaborra izaki bizidun baten organismoan sartzen denean, ez dago ezer askorik egiteko. Hondakin mota hauek zetazeoen hesteko hormetan itsasten dira eta osasuntsu bizitzeko beharrezkoak dituzten elikagaien hartzea eragozten dute. Batzuetan, gaitza gorputz osora hedatzen da eta horrek heriotza eragiten du.