Frantziak abortatzeko epea 12 astetatik 14 astetara luzatu du

Zifra ofizialen arabera, urtero, 2.000-5.000 emakume frantziarrek atzerrira bidaiatzen dute euren haurdunaldia modu boluntarioan eteteko. Gaillot-ek azaldu du, baliabide faltagatik, kanpora joan ezin daitezkeen emakumeak ere badaudela,"zaurgarriagoak, gazteenak, eta osasun sistematik eta informaziotik aldenduenak daudenak". Horiei guztiei abortatzeko eskubidea bermatu nahi die lege berriak. 

Ez da aldaketa bakarra, ordea. Legeak, emaginei, abortua segurtasunez egiteko praktikak eskainiko dizkie, ekintza hau burutu lezaketen profesionalen kopurua zabalduz. Gainera, kontaktu zerrenda bat ere osatuko da, mediku eta emaginen helbide eta zenbakiekin. Zerrenda hau beste profesionalen esku edota abortua burutu nahi dutenentzat eskuragarri egongo da. 

2019an, Frantziar Estatuan 232.000 emakumek abortatu zuten, errekorra hautsiz. Askok atzerrian eten behar izan zuten haurdunaldia, euren epe-muga legala amaitua zelako. Frantzian, abortua legala da 1975. urtetik.