Filmetako soinu efektuak egiten ikasteko tailerra Donostian

Filmetako soinu efektuak egiten ikasteko tailerra Donostian Tramankulu desberdinak eta soinu-edizio programa erabiltzen ikasiko dute saioan parte hartuko duten hamalau urtetik aurrerako gazteek. https://www.gaztezulo.eus/albisteak/filmetako-soinu-efektuak-egiten-ikasteko-tailerra-donostian/@@download/image/foley.jpg
2021/08/27

Testua: Maitane Legarreta Etxezarreta
@mailegetx

Tramankulu desberdinak eta soinu-edizio programa erabiltzen ikasiko dute saioan parte hartuko duten hamalau urtetik aurrerako gazteek.
Filmetako soinu efektuak egiten ikasteko tailerra Donostian

Hamalau urtetik gorako gaztetxoei zuzendutako doako zine tailerra egingo dute bihar, larunbata, Tabakalerako Kutxa Kultur Plazan, 19:00etan. Filmetako soinu efektuak Foley teknikaren bidez nola grabatzen diren ikasiko dute gazteek.

Foley teknikarekin sekuentzia batean agertzen diren pertsonaia edota objektu orok sortuko lituzketen soinuak birsortzen dira. Tailer honetan, parte hartzaileek animaziozko filme baten soinu-efektuak nola sortzen diren ezagutuko dute eta berezko soinu-banda osatuko dute. Horretarako, tramankulu desberdinak erabiliko dituzte eta soinu-edizio programa bat nola erabiltzen den ikasiko dute. 

Sirimiri Films ekoiztetxeak, Pixelatu egitasmoaren bidez, gidatuko du tailerra. Aurrez eman behar da izena saioan parte hartzeko.