“FASTFATUM” ***

Ariketa interesgarria da Fastfatum, eta handik eta hemendik begiratuta, ertz polit asko antzematen zaizkio. Igor Calzada donostiarrak konposatutako kantek ukitu berezia dute, eta giro bildu eta goxoan, natural belarriratzen dira. Musika ñabardurak funtsezko dira kaskoekin (eta arretaz) entzun beharreko disko honetan, baina argi, ez baitira konponketa horiek baino apalagoak abestietako hitzetan suma daitezkeen mugimendu sotilak. Harkaitz Canok eta Igor Calzadak lan ona egin dute istorioak kontatzeko eta istorio horiei melodia jartzeko orduan.