Euskal Herriko dokumentalen zikloa izango da Lasarten datorren astetik aurrera
Testua: Maitane Legarreta Etxezarreta
@mailegetx
Bost film dokumental eskainiko dituzte Okendo Zinema Taldeak antolatutako Euskal dokumentalen zikloa-ren baitan, euskal zinemagileei ikusgarritasuna emateko asmoz.
Hauek izango dira filmak eta hitzorduak: martxoaren 17an, Bolante baten historia (Iñaki Alforja eta Iban Toledo, 2021); martxoaren 19an, Apaiz kartzela (Ritxi Lizartza, David Pallares eta Oier Aranzabal, 2021); martxoaren 24an, Hijos de Dios (Ekain Irigoien, 2021); martxoaren 26an, Tipularen sehaska kanta (Lander Garro, 2021); martxoaren 27an, Aita Mari (Javi Julio, 2021).
Dokumentaletako protagonistak, zuzendariak edota lan-taldeko kideak ere bertaratuko dira, emanaldi ondorengo solasaldietan parte hartzeko.
Emanaldi guztiak 20:30ean izango dira, Manuel Lekuona Kultur Etxean, eta filmak jatorrizko bertsioan emango dituzte, azpitituluekin. Sarrerak leihatilan bertan eros daitezke, eta baita online ere, sei euro ordainduta.
