Escapade: Marvel unibertsoko superheroi transgeneroa
Shela Sexton-ek, Escapade izenez ezagunagoa den pertsonaiak, laster egingo du bere debuta. Heroi trans hau burugogor samarra da, baina izugarri fidela, eta justizian fede itsua du.
Ez da Marvel-ek aurkezten duen lehen trans heroia. Orain dela ia 28 urteko Jessie Drake-ek debutatu zuen, baina Escapade erakundeak eman nahi duen irudi berrira hobeto egokitzen da.
Zein da Escapade?
Shela Sexton-en bidaia Marvel’s Voices: Pride #1 deitutako komikian hasiko da. Bere alboan Escapade-k lagun paregabea izango du, Morgan Red, mutantea eta teknologian aditua. Lapur profesionalak izanik, elkarrekin hainbat tresna diseinatuko dituzte eta oso modu disimulatuan eramango dituzte gerrian.
Escapade eta Morganek Marvel-en unibertsoa zeharkatuko dute lapur profesional moduan, erakunde kriminal eta iruzurtiei lapurtuz. Bere abenturetan Emma Frost eta Destiny ezagutuko dituzte eta hauek Escapade-ren patua guztiz aldatuko dute.
Istorioa Charlie Jane Anders-ek idatzia izan da eta Ro Stain eta Ted Brandt-ek elkarlanean marraztua. Transexualitatea komiki berriaren oinarria da. Horregatik, lan gogorra egin dute gai guztia ondo eraikitzeko, honela mutante izatea transgeneroaren metafora bilatzen da eta alderantziz.
Zein dira Escapade-ren botereak?
Zirkunstantziak aldatzeko boterea du Escapade-k. Hau da, beste pertsona batekin leku fisikoa momentuan aldatzeko gai da, baita ezaugarri fisiko edo abstraktuak eskuratzeko ere. Komikia datorren ekainaren 22an kaleratuko da.