Erauntsi zuri-gorria Donostian

Erauntsi zuri-gorria Donostian https://www.gaztezulo.eus/albisteak/erauntsi-zurigorria-donostian/@@download/image/20113285407biarritz_baiona5.jpg
2012/12/13
berria
Miarritzek Donostian jokatutako euskal derbia eskuratu du, Baiona 40-10 gaindituta. 30.000 bat ikusle izan dira Anoeta estadioan eta GAZTEZULO bertan izan da.

Minutu bateko isilunea izan da neurketa hasi aurretik Japoniako hondamendia gogoan. Partida hasi bezain laster isilunea burrunba bilakatu da. Biarritz Olympique 12-0 aurreratu da aitaren batean eta Baiona ez da gai izan kontrarioa estu hartzeko.

Norgehiagokaren lehen txanpan pilatutako aldeari esker Miarritzek eroso jokatu du eta ez du estuasunik igaro (34-10 atsedenaldian). Hori, noski, Anoetako harmailetan pilatutako zale zuri-gorrien zorionerako izan da. Miarritzeko zaleak gehiengoa izan badira ere, baionarrek ere gogotsu animatu dituzte euren jokalariak.

Apirilaren hasieran Biarritz Olympique Donostiara itzuliko da, Europako Kopako partida jokatzera.