#ElkarEkin udako ikastaroak martxan!

Ireki dute #ElkarEkin UEU-ren udako ikastaroetan izena emateko epea, eta klaseak hasi baino astebete lehenago arte duzu apuntatzeko aukera. Ikastaroak hainbat tokitan eskainiko dituzte; Eibar, Iruñea, Baiona... ikastaroen gaiak ere denen interesekoak dira. Eta adi! Gaizka Izagirre GAZTEZULOko zuzendaria Euskarazko komunikabideen aukerak eta erronkak: proposamen bat lantzeko unea ikastaroan parte hartuko baitu, Eibarren, uztailak 8-9an. Animatu!!

MATRIKULAZIOA

• Maiatzaren 13an irekiko da eta ikastaroa hasi baino astebete lehenago itxiko da.
• Egitarauak maiatzaren 13an argitaratuko dira.
• Izen-ematea UEUren webgunetik egiten da:  www.ueu.eus
• Ikusi UEUren matrikulazio-araudia webgunean.

MATRIKULA-PREZIOAK

• Matrikula-prezioak ezberdinak dira ikastaroaren iraupenaren arabera. Begiratu ikastaroaren orrian, webgunean.
• Matrikula-prezio murriztua izango dute: ikasle, langabe eta jubilatuek (% 10eko beherapena) eta UEUkideek (% 25eko beherapena).
• Ordainketa egiteko izena eman eta 15 eguneko epea dago, bestela izen-ematea bertan behera utziko da.

DIRU-LAGUNTZAK 

• Hainbat udalek beren herritarrei diru-laguntzak ematen dizkiete, ikusi zerrenda gure webgunean eta galdetu zure udalean.
• BERRIAlagunak. UEUko bazkideek duten deskontu bera lortu dezakete (matrikula egiterakoan adierazi oharretan Berrialaguna zarela).
• Informazio guztia: Diru-laguntzak orrian.

IKASTARO HOMOLOGATUAK

• Eusko Jaurlaritzak eta Nafarroako Gobernuak ezarritako homologazio-prozeduretan adierazitako pausoei jarraituko zaie.
• Irakasleek beren merituetan parte-hartze ziurtagiria aurkeztu eta puntuak lortzeko aukera izango dute. Ikusi homologazio-argibideak ikastaroaren fitxan, webgunean.

EGOITZAK ETA OSTATUAK

• Udako ikastaroen ohiko egoitzak hauek dira: Eibar, Baiona eta Iruñea.
• Beste tokiren baten emango balitz ikastaroa, orrian bertan adieraziko da.
• OSTATUA: Baionan lo egiteko tokia eskaintzen dugu (maiatzaren 13an argitaratuko dugu).

Informazio gehiagorako:
Irati Iciar (Udako Ikastaroen arduraduna)
tel. 943 82 14 26
i.iciar@ueu.eus
www.ueu.eus