Ekainaren 28an eta 29an, ARF Gasteizen

Aste bat besterik ez da falta Arabako hiriburuko musika jaialdirik aipagarriena abiatzeko. 20 taldek osatzen dute Azkena Rock Festibaleko hamabigarren edizioko egitaraua eta ekainaren 28an eta 29an izango dira kontzertu guztiak.

---

Hamabigarren edizioa biziko du aurten Gasteizko Azkena Rock musika jaialdiak Mendizabalan. Estatu Batuetatik datozen The Smashing Pumpkins eta The Black Crowes taldeak dira, besteak beste, aurtengo edizioko azpimarragarrienak. Gasteizen eskainiko baitute Espainian egingo duten kontzertu bakarra.

Quaoar bilbotarrak izango da egitaraua estreinatuko duen taldea, ekainaren 28an –osteguna– 17:15etan hasiko den emanaldian. Egitarauan, bestalde, Gov't Mule, Modest House, Rocket From the Crypt eta The Sheepdogs taldeak ere ariko dira Mendizabalan.

Azkenik, Madrilgo Los Enemigos taldea izango da hamabigarren edizio honetan azpmarragarria, izan ere, Josele Santiago eta Fino Oyonart musikarien mitikoak agertokira itzuliko dira 2002. urtean ibilbidea eten ondotik.

Kontzertuak bi egunetan 17:00etan hasi eta gaueko 1:00ak inguruan amaituko dira eta 3:00etatik aurrera, berrz, DJ-ak ariko dira. Sarrerak salgai daude oraindik, egunekoa 42 euro balio ditu eta bi egunetarako bonoak, berriz, 65 euro.