Ekainak 28: LGTBI Harrotasunaren Eguna

Ekainak 28: LGTBI Harrotasunaren Eguna Gaurkoa gay, lesbiana, transexual eta bisexualen (LGTBI) harrotasunaren eguna da, eta sexu joera ororekiko errespetua aldarrikatzera irtengo dira kalera munduko hamaika herri eta hiritako herritarrak, baita euskaldunak ere! https://www.gaztezulo.eus/albisteak/ekainak-28-lgtbi-harrotasunaren-eguna/@@download/image/sense-8-segunda-temporada-2_gallery_a.jpg
2018/06/28
Gaurkoa gay, lesbiana, transexual eta bisexualen (LGTBI) harrotasunaren eguna da, eta sexu joera ororekiko errespetua aldarrikatzera irtengo dira kalera munduko hamaika herri eta hiritako herritarrak, baita euskaldunak ere!
Ekainak 28: LGTBI Harrotasunaren Eguna

Gaurkoa gay, lesbiana, transexual eta bisexualen (LGTBI) harrotasunaren eguna da, eta sexu joera ororekiko errespetua aldarrikatzera irtengo dira kalera munduko hamaika herri eta hiritako herritarrak.



1969ko ekainaren 28an, New Yorkeko Stonewall Inn pubeko jazoeren ostean, askapen homosexualaren mugimendua abiatu zuten. 40 urte pasatxo igaro dira ordutik, eta egoerak hobera egin duen arren, lan asko dago oraindik egiteko sexu bereko pertsonen arteko harremanak legeztatu, haien eskubideak gainerako herritarrenekin parekatu eta egoera normalizatzeko. Izan ere, gay, lesbiana, transexual eta bisexualen komunitateek adierazi dutenez, haiekiko errespetua adieraztea, ezinbestekoa bada ere, ez da nahikoa egun, beronen atzean ezkutatzen diren jarrera homofoboek ez luketelako lekurik izan behar jendartean.



Honenbestez, manifestaldi, desfile, agerraldi, kontzertu eta denetariko jaiak egingo dituzte mundu osoan gaurkoan, eta leku askotan aste osoko ekitaldi zerrenda prestatu dute, hala nola, Londres, New York, San Francisco, Amsterdam, Toronto edota Mexiko Hirian.

Euskal Herrian ere izango da festa giroan andarrikapenak egiteko aukera. GEHITU elkarteak esaterako (Euskal Herriko lesbiana, gay, transexual eta bisexualen elkartea) egitarau zerrenda hau prestatu du egun hauetarako:

 

Ekainak 28- Harrotasun Manifestazioa Donostian 

Ekainak 28 - Pregoia eta musika Eibarren 

Ekainak  28 - Standa Irungo Festetan 

Ekainak 29-  Harrotasunaren Festa Donostiako Friends diskotekan

Ekainak 30 - Les Bascos-en Gaypridea Biarritzen 

Ekainak 30- Multikolore Festa Donostiako La Farandulan 

Ekainak 30-  Jaia Eibarko Untzaga Plazan 

Uztailak 1- Jugger erakustaldia Eibarko Untzaga Plazan 

Uztailak 4-  "Visibles" dokumentalaren aurkezpena Koldo Mitxelenan 

 

Horrez gain, Euskal Herriko Bilgune FeministakBagara, bagaude, bagoaz izenburua duen ohar baten bidez, mobilizazioetara deitu du. Berria egunkariari emandako adierazpen hauetan, bilguneko kide de Irati Gonzalezen arabera "bada garaia diskurtso politikoa berreskuratzeko, LGTBI aktibistarik gabe, ospakizun soila litzateke".