Eibarko zezen plaza eraitsiko dute bertan parke bat eraikitzeko

Eibarko zezen plaza 1903. urteko ekainaren 24an inauguratu zen, San Juan jaietan. Cocherito de Bilbao toreatzaileak, garaiko ezagunenak, inauguratu zuen. Orain, berriz, zezen plaza historiara igarotzear dago. Udalak berau eraisteko albistea iragarri berri du. Bertan, parke bat eraikiko da aisialdirako eta kirola egiteko gune zabalekin.

Udalak oraindik ez du zehaztu noiz hasiko diren proiektua martxan jartzeko lanekin, baina adierazi du "laster" izango dela. Eibarko zezen plazak kalte ugari pairatu zituen gerra zibilean, baina berreraiki egin zen honen ostean, eta 1961eko irailaren 30ean bigarren aldiz inauguratua izan zen 3.300 pertsonentzako aforoarekin. Helburua, bertan, zezen ikuskizunez gain bestelako jarduerak ere ospatzea zen. 

Eibarko Udalak azaldu duenez, proiektu berri hau zezen plaza dagoen lekuan burutu nahi dute. Zezen plaza ez baita apenas erabiltzen, leku zabal eta laua okupatuz. Eraisteko erabakia, beraz, jada hartuta dago, sortuko den espazio berria herritarren eskura jartzeko asmoz. Helburu nagusia, kirolerako eta dibertimendurako espazio publiko berriak sortuz, eibartarren bizi kalitatea hobetzea da.