Egutegi alternatiboa, berdintasunerantz abiatzeko

"Erlojua minutu bakar bat ere atzeratzerik bagenu, emakume baten hilketa, beste laurek jasotako kolpeak edo iraunak eta beste askoren bazterkeria saihestuko genuke. Ez dugu erlojua atzera eramaterik; bai, ordea, jardun dezakezu, hauxe baita etorkizuna aldatzeko modu bakarra".
Hori da Donostiako Usandizaga Institutuko 19 eta 27 urte bitarteko gazteek Azaroaren 25era begira, Emakumearen Aurkako Tratu Txarren Kontrako Egunera begira, egin duten kanpainaren abiapuntua.

---

Bazterketa mota guztiak alboratzeko egutegi alternatiboa da kanpainaren muina. Hona hemen, gazteen proposamena, "berdintasunerantz abiatzeko".

Azaroak 25
Indarkeria matxistaren kontrako nazioarteko EGUNA DA
Abenduak 25
Rolik gabeko jolasen nazioarteko eguna
Urtarrilak 20 (San Sebastian eguna)
Konpainia parekideen munduko eguna
Otsailak 14
Harreman horizontalen nazioarteko eguna
Martxoak 8
Lorpen feministen nazioarteko eguna
Apirilak 23 (Bazko larunbata)
Pekaturik gabeko kulturaren aldeko nazioarteko eguna
Maiatzak 1
Etxeko lan partekatuaren munduko eguna
Ekainak 28
Genero aniztasunaren aldeko nazioarteko eguna
Uztailak 31 (udara, bikini operazioaren haritik)
Araurik gabeko edertasunaren munduko eguna
Abuztuak 15
EZETZ da EZETZ-en nazioarteko eguna
Irailak 11
Txanpan elkartzeko nazioarteko eguna
Urriak 31 (Halloween bezpera)
Beldurrik gabeko gauen aldeko nazioarteko eguna
Azaroak 25
Bereizkeria guztien amaieraren ospakizun eguna