Derecho de familia (La loi de la famille) ***
Zinema aditu
askoren ustez Woody Allen argentinarra da Daniel Burman gaztea. Tamalez, baina,
bere zinemak ez du Manhattango maisuarenarekin zerikusirik. Kalitate aldetik,
behintzat, nahikoa urrun dago. Nolanahi ere, zinemagile interesgarria denik
ezin ukatu. Esperando al Mesias eta El abrazo partido komedia gazi-gozoen zume
berdinekin osatu du bere film berria argentinarrak. Ezkondu eta haurra izan eta
gero, Ariel Perelman abokatu judu bitxiak aldaketa handiak biziko ditu
eguneroko bizitzan. Horrez gainera, aitarekin duen harremana hobetzen
ahaleginduko da. Gidoi irudimentsu bat oinarri hartuta, aitatasunari buruz
dihardu Burmanek ironia finez melatutako film atsegin eta hunkigarri honetan.
