Datorren ostiralean abiatuko dute "Ahoz aho" Nazioarteko Ahozkotasun Jaialdia

Datorren ostiralean abiatuko dute "Ahoz aho" Nazioarteko Ahozkotasun Jaialdia https://www.gaztezulo.eus/albisteak/datorren-ostiralean-abiatuko-dute-ahoz-aho-nazioarteko-ahozkotasun-jaialdia/@@download/image/2012321141ahoz_aho.jpg
2012/12/13
berria
Martxoaren 9tik 18ra bitarte egingo dute 'Ahoz aho' Nazioarteko Ahozkotasun Jaialdia Ordizian eta Tolosan. Munduko hainbat tokitatik etorritako mezulariak bilduko dira bertan, belaunaldiz belaunaldi jasotako ikuskizunak erakustera.


"Bazen behin…" hitzekin hasten dira ezagutzen ditugun istorio, kondaira eta ipuin gehienak, belaunaldiz belaunaldi gureganaino iritsitakoak, eta guk ere etorkizuneraino eraman ditugunak. Ahozkotasunaren altxorrak transmititzeko bide bakarra, baina, memoria dugu, hau da, gure kalabaza. Horregatik, "Hala bazan edo ez bazan… sar dadila kalabazan!" esanez amaitzen ditugu kontaketak.

Guzti horiek biltzeko asmoz, Argentinako, Kolonbiako, Senegalgo eta Euskal Herriko hainbat kontalari arituko dira Ahoz aho-n. Gisa guztietako ikuskizunak prestatu dituzte, adin guztietako pertsonei zuzenduak. Denbora atsegin bat pasa, eta gustora egoteko.

Artistak


Gonzo - Argentinar aktore eta zirkuko akrobata

Susa Guadalupe - Aktore, narratzaile, txotxongilogile eta pailazo argentinarra

Laura Dippolito - Narratzaile eta letretako irakasle argentinarra

Jhon Ardila - Kolonbiako ipuin kontaria

Failou Diagne - Senegaleko griot artista

La Compañia del Saco - Errioxatik etorritako txotxongilogile, musikari, juglar eta denetariko taldea

Metrokoadroka - Euskal Herrian sortutako sormen laborategia

Alabazan Ipuinkontalariak - Begoña Gomez eta Pedro Ruiz kontalariak

Kontukantoi - Beatriz eta Cesar kontalariak

Apika - Euskal Herriko aktore eta animatzaileak

Enekora - Eneko Larrañaga musikariak Afrikako Kora arpa jotzen du

Irantzu Mantso - Ipuin kontalaria

Badut - Anduriña eta Txefo kontalariak

Itziar Rekalde - Ipuin kontalari euskalduna