“Continuation” ***

Albert Griffithsek sortu zuen taldea 1968. urtean, eta sustrai-reggaearen talde indartsuenetarikoa izan zen 70eko hamarkadan, jamaikarrek lortutako ahots jokoek ez baitute parekorik. Azken urteotan, Albert Griffithsen osasun kaskarra dela eta, semeak hartu dio lekukoa ahots nagusi lanetan. Diskoan, roots reggae doinuak entzun daitezke, haize sekzio eta guzti, eta lehen entzunalditik The Gladiators taldea datorkigu burura. Beste reggae izarren semeekin gertatu bezala, honek ere lan handia egin beharko du aitari itzal egiteko.