Catapult King

Printzesa bahituen eta ahotik sua botatzen zuten dragoien garaian girotuta dago puzzle-arcade motako joko entretenigarri hau. Gazteluak eta gu zirikatzen dabiltzan zaldunak birrindu beharko ditugu horretarako katapulta bat erabiliz. Aurrera egin ahala, gainera, gure arma hobetu ahal izango dugu eta gazteluak errazago eraitsi. Sare sozialetan gure puntuazioa lagunekin elkarbanatzeko aukera ematen du, abentura koloretsua da eta hiru dimentsiotan egina dago. Smartphonetarako ere balio duen arren, joko esperientzia askoz hobea da tabletetan.