Bin-jip (Hierro 3 / Locataires) ****

Hutsik dauden etxeetan hartu ohi du aterpe Tae-suk gazteak. Egun batean, etxe arrotz batean sartu, eta Sun-hwa izeneko neska polit batekin egingo du topo bertan. Zorigaiztokoa da oso haren bizitza; senarrak egurtu eta etxean preso uzten duelako sarri. Elkarrekin maiteminduko dira biak, oharkabe. Tae-Suk atxilotu egingo dute, baina. Ondorioz, etxera itzuliko da Sun-hwa. Kartzelatik irten bezain pronto, maite duen neskaren bila abiatuko da Tae-suk. Zuzendari onenaren saria bereganatu zuen film honekin Kim Ki-duk maisuak Veneziako Zinemaldian. Irudimenez eta sentimenduz zizelatutako zeluloidezko harribitxi kitzikagarria da.