IRITSI DA KORRIKA KULTURALA GASTEIZERA

IRITSI DA KORRIKA KULTURALA GASTEIZERA Apirilaren 4ean hasiko da Korrika eta ziur jada entrenatzen zabiltzala Mad Muasel, Fermin Muguruza eta La Furia-ren abestiaren erritmoan. Halere, noizean behin, atseden hartu eta zentzumenei lan apur bat ematea ere ez da ideia txarra. Horregatik, gaur, martxoak 15, emango zaio hasiera Korrika kulturalari Gasteizen eta beste hainbat herri zein hiritan. https://www.gaztezulo.eus/albisteak/badator-korrika-kulturala/@@download/image/gonbidapena_irudia.jpg
2019/03/15
berria

Testua: Jaione Dagdrommer @hellehellei

Apirilaren 4ean hasiko da Korrika eta ziur jada entrenatzen zabiltzala Mad Muasel, Fermin Muguruza eta La Furia-ren abestiaren erritmoan. Halere, noizean behin, atseden hartu eta zentzumenei lan apur bat ematea ere ez da ideia txarra. Horregatik, gaur, martxoak 15, emango zaio hasiera Korrika kulturalari Gasteizen eta beste hainbat herri zein hiritan.
IRITSI DA KORRIKA KULTURALA GASTEIZERA

AEK-ak ohikoa duen bezala era askotako estilo, formatu eta edukiak uztartu ditu Korrika kulturala ekimenaren barruan: musika, antzerkia, hitzaldiak, erakusketak... eta hiri eta herrietako espazio kultural eta sozial ezberdinak beteko ditu. Hona Gasteizko Korrika kulturalaren egitaraua:

  • Martxoak 15, 15:30, Samaniego eskolan: Turukutupa, umeentzako ikuskizuna

  • Martxoak 21-25, Judimendi, Hegoalde eta Lakuako gizarte etxeetan: Korrikarako txikiek egindako marrazkien erakusketa.

  • Martxoak 21, 20:30, Principal Antzokian: Kalaportu ikuskizuna.

  • Martxoak 22, 20:00, Le Coup-en: Anita Parker-Zazkel kontzertua.

  • Martxoak 23, 17:00,Urrezko Zeledonen plazan: aniztasunaren kilometroaren aurkezpena.

  • Martxoak 23, 13:30, Bodegon Gorbean: Eneritz Furyaken kontzertua.

  • Martxoak 26, 20:30, Parral tabernan: Unidad Alavesaren kontzertua.

  • Martxoak 27, 19:00, Elkar liburudendan: Txillardegiren Klika liburuaren aurkezpena.

  • Martxoak 29, 21:00, Errekaleorren:Tooth-BWSR kontzertua.

  • Martxoak 31, 19:00, Oihanederren: Enkarguz ikuskizuna.

  • Apirilak 4, 20:00, 20:00, Ardo ona tabernan: Pettiren kontzertua.

  • Apirilak 11, 20:30, Jimmy Jazz aretoan: Egur eta Kittoren kontzertua.

  • Apirilak 12, Artium museoan: Liburuaren Nazioarteko Eguna. Irakurketak

  • Apirilak 12-14, Baratza aretoan: Zurrunbillo Euskal Arte Eszenikoen jaialdia.

Aipatu otsailaren 9an eman zitzaiola hasiera ofiziala Korrika Kulturalari eta herri eta hiri ugaritan hainbat eta hainbat ekitaldi ospatuko direla oraindik ere, hementxe dituzue batzuk:

  • Martxoak 24, Agoiz Kulturetxea (Berriz): AIKO dantza taldearen ikuskizuna.

  • Martxoak 21 Lizarran (Foru Plaza) eta Martxoak 31 Garesen (Udal plaza): JULE kale antzerkia Hortzmuga teatroaren eskutik

  • Martxoak 15, Beasainen (Igartza jauregia) eta martxoak 30, Tuteran (Lourdeseko zentro zibikoan): Enkarguz ikuskizuna Xabier Zabala eta Andoni Egañaren eskutik.

  • Martxoak 22, Lekeition (Zinema), martxoak 26, Bilbon (Bira), martxoak 29, Santurtzin (Kresala aretoa) eta martxoak 30, Getxon (Erromoko kultur etxea): Beñat Krolem-en Oholtza perfomance-a.

  • Martxoak 15, Bilbon (Arriaga antzokia), martxoak 21, Gasteizen (Printzipal antzokia), martxoak 23, Baionan (Antzokia), martxoak 24, Donostia (Victoria Eugenia antzokia) eta martxoak 28, Iruñea (Gaiarre antzokia): KALAPORTU, Sarrionandiaren lurralde poetikoa

KORRIKAREN APP-A
Zita hauetako batzuk mugikorreko egutegian apuntatzeaz gain, deskargatu Korrikako aplikazioa. Honen bitartez, beste hainbat Korrika kulturaleko ikuskizunen berri edukiko duzu eta apirilaren 4tik aurrera, lasterketa momentu oro non dabilen jakin ahal izango duzu. Android eta iOS sistemekin erabili ahal izango da.

Orain bai, prest zaude, has dadila Korrika!