Badator Kameratoia!
Ekitaldia 12:30etan hasiko da, Lekeitioko Ikusgarri zine aretoan.
Aurtengo Kameratoian 13 taldek parte hartu dute beren filmekin; Yogurinha Borova euskal musikari transgresoreak eta Mikel Zumeta zine kritikariak izango dira lehiaketaren epaileak, Lekeitioko Ikusgarri aretoan egingo duten saioan. Antolatzaileek deialdi irekia egin dute, eta bertaratzen direnek film onena bozkatzeko aukera izango dute larunbatean, hilak 28, 12:30ean. Adi, 2.600 euro daude eta jokoan!
Publikoaren saria
Ekitaldira etortzen diren guztiek sarreran jasoko dute papertxo bat, film guztiak ikusi ostean gustukoenari bozka eman diezazioten. Publikoaren saria oso estimatua izaten da parte hartzaileen artean, ikusleen errekonozimendua jasotzen dutelako.
