Badator Bertsomovieda!

Urteak joan, urteak etorri, aurten ere hemen da nazioarteko Bertsomovie lehiaketa: bertsomovieda. Zure bertsoklip, irudiz hornitutako bertso sorta, edo besteren baten bertso + irudiekin osatutako edozein bideo aurkez dezakezu… eta baita bururatzen zaizun beste edozein formatutako bideoren bat ere.
 
Zer den zehazki ez dakizula? Lasai, xinplea da eta: bertsoren bat ageri den bideo bat, gutxienez 7 segundokoa, grabatu, Internetera igo, eta guri horren berri ematean datza lehiaketa.  Edozein bertsok balio du, nork berea ala besteena, eta sariak mota guztietakoak dira, gazteenentzat bi sari, eta helduentzat beste bi. Horietaz gainera, publikoaren sari potolo bat, eta bertso onenak dituen bertsomoviearentzat ere sari berezi bat; guztira 2500€ saritan.

Ez dago inongo mugarik: mundu osora zabaldutako lehiaketa da, edonork har dezake parte, taldeka ala bakarka… gutxienez bertso bat eta bideo bat uztartzea da ezinbesteko baldintza bakarra. Sariak honakoak dira:

·        Gazteentzat:
o   300€ bertsomovie onenari
·        Helduentzat:
o   1000€ko lehen saria
·        Guztientzat
o   500€ko saria botorik gehien biltzen dituen bertsomovieari
o   200na €ko bi sari, epaimahaiak erabakitzen dituen bi aipameni
o   Bertsorik onenak dituen bertsomovieari 250€

Gozatzeko lehiaketa bat antolatu dutenez, bideoak bertsomovieda.com webgunean ikusgai egongo dira epea ixten denetik, eta gogokoena bozkatzeko aukera ere izango da. Apirilaren 23tik maiatzak 4ra arte egongo da zabalik lanak aurkezteko epea, eta maiatzaren 5etik maiatzaren 12ko eguerdiko 12ak arte egongo da bozka emateko aukera zabalik.