Amsterdameko Auzo Gorrian marihuana eta alkoholaren kontsumoa debekatuko dira

Hiriko prefekturak kaleetan kalamua erretzea debekatua egongo dela iragarri zuen, eta beharrezkoa ikusiko balu, debeku hau kafetegietako terrazetara zabalduko luke. 

Alkoholaren kontsumoari dagokionez, establezimenduek debekatuta zuten jada arratsaldeko lauretatik aurrera alkohola saltzea ostegunetik igandera bitarte. Lege berriarekin, ez saltzearen debekuaz gain, alkohol lata edo botilak erakusleihoetatik kendu beharko dituzte. 

Barruti Gorria hiriko auzorik zaharrenetarikoa da, eta iaz soilik, 18 milioi bisitari erakarri zituen. Komunikatu ofizial batean, prefekturak azaldu zuen neurri berri hauek inguru horretan bizi direnen bizi kalitatea hobetzea dutela helburu. 

"Bertan bizi direnek turismo masiboaren eragina izugarri pairatzen dute eta baita alkohol eta drogen kontsumo gehiegizkoa ere. Turistek droga saltzaileak ere erakartzen dituzte, eta hauek, aldi berean, krimena eta segurtasun eza sortzen dituzte". 

Prefektura oraindik beste debeku batzuk aztertzen ari da. Horien artean daude ezkondu aurreko agurrak debekatzea edota kalamua saltzen duten coffeeshopetan turistei sartzen ez uztea.