Amildegia maite

Amildegia maite https://www.gaztezulo.eus/albisteak/amildegia-maite/@@download/image/Muturbeltz_Amildegia_Maite.jpg
2012/10/05
kritika
Testua: Haize Galarraga
Mutürbeltz
133.zenbakia
Rock&rolla; maitatu egiten da, eta maitemindurik dagoen musikaria talderik gabe geratzen denean, hutsune hori beteko dion zerbait bilatu behar izaten du. Sexty Sexers eta The Hot Dogs taldeen errautsetatik sortua, Mutürbeltz musikarekiko amodio harreman horren adibide da. Bera eta Urretxu arteko distantzia gaindituz, Mikel Larratxek eta Iñigo Agirrebalzategik rock egarria asetuko zien proiektua jarri zuten martxan, eta bidaideak hartuta ekin zioten bideari. Amildegia maite honetan pasioa antzematen da, eta ondorioz, berezkoa dirudien erraztasuna doinu klasiko hauetan murgiltzeko. Zu ere eramango zaitu korronte atseginak, eta momentu ederrak biziaraziko dizkizu.