Aldi baterako mezuak izango ditu WhatsAppek
Ane Urrutikoetxea @aneurruti
WaBetaInforen esanetan, WhatsAppek berritasun bat kaleratuko du laster; epe labur batean desagertuko diren mezuak. Oraindik aukera honekin lanean dabiltzan arren, badirudi bi aukera aurrikusi dituztela; igorritako mezuak 5 segundora desagertzeko aukera eta ordubetera desagertzekoa. Berritasun honek aurrera egiten badu, ziur aski denbora tarte gehiago ere eskainiko dituzte.
Telegramen pausoei jarraiki, WhatsAppek epe laburrean suntsitzen diren mezuak nahi ditu. Dena den, hasiera batean soilik talde elkarrizketetan baimenduko dute aukera hau.
Onena? Dirudienez, aukera berri honek ez die mezuaren irakurleei desagerpenaz ohartaraziko, hau da, ez da "mezua ezabatuta" edo antzeko abisurik agertuko. Alta, oraindik argitu ez dutena zera da, mezua desagertzeko atzerakontua bidaltzeko unetik aurrera hasiko den ala hartzaileek irakurri duten unetik.
