"Alarma egoeran jarraitzen dugu! Gure amorrua elikatzen ari zarete" lelopean Teknikariok-en kontzentrazioa
Testua: Gaizka Izagirre @Gaizka_Izagirre
Teknikariok elkarteak -Ikuskizunen sektorea arautzeko eta teknikariak babesteko mugimenduak- mezu hau zabaldu nahi izan du:
"Kultura osatzen duten hainbat azpi-sektoreri babesa eman zaien arren, gureak jarduna itzuli arteko hartutako neurri espezifikoetatik kanpo jarraitzen du, eta horregatik kalera irteten jarraitzen dugu. Bizitzen ari garen egoera ez da batere erraza izaten ari. Nahiz eta laguntzaren bat kobratu edo lan kopurua txikia izan, langile gehienak diru laguntzetatik kanpo geratzen ari dira, eta irailaren amaieran egoerak okerrera egin dezake. Horregatik, Teknikariok sindikatutik kontzentrazio bat deituko dugu Donostian. Gure sektorearentzat erreskate-plan bat lortu, gure beharrak entzunarazi eta nolabaiteko presioa eragin behar dugulako. Ikuskizun eta ekitaldietako langileak eta beste lagun batzuk gerturatzera animatzen ditugu, gure indarrra handiagoa izan dadin."
- Data: abuztuak 8 larunbata
- Non: Kursaaleko zabalgunean (Donostia)
- Ordua: 12:00
