Ajerik uzten ez duen garagardo alkoholduna

Biharamuneko min jasanezin horri, beharbada, egun gutxi gelditzen zaizkio. Eta ez naiz ari 0.0 aukerez, alkoholdun garagardo goxo batez baizik. Errusiako Urales Unibertsitateko ikerlari talde batek ajearekin amaitzeko errezeta lortu duela dirudi.

Alkoholdun garagardoak ajea sortu ez dezan, zientzialari hauek edarira alkoholaren eragin toxikoa gutxitzen duen landare eta alga ezberdinak bota dituzte. Horrez gain, bitaminak eta mineralak ere gehitu dizkiote, minbiziaren aurkako propietateak gehituz gure betiko garagardoari. Horrela, edari famatuak ajea ez sortzeaz gain, gehitutako landareen propietateengatik askoz osasuntsuagoa bilakatu dute garagardoa ikerlari hauek.

Aipatu produktu berri honek kostu baxua duela eta beraz, ez lukeela garagardoaren ohiko prezioa igoko. Besterik gabe, kimiko hauek garagardoaren efektu kaltegarriak gutxituko dituzte alkoholari muzin egin beharrik gabe. Horrela, bere zaporeaz gozatzen jarraitu genezake eta baita mozkortzen ere. Halere, guztiarekin bezala, tentuz ibili behar da, alkoholik gabeko garagardoak ere, litroak eta litroak edan ez gero, buruko mina sortu baitezake, eta produktu berria hau ere ez da salbuespena. Mundu honetan, onerako ala txarrerako, ez dago miraririk.