Airbnb-k murrizketak ezarri dizkie 25 urtetik beherakoei
Ane Urrutikoetxea @aneurruti
Koronabirusarekin, diskotekak eta parranda lekuak debekatutako lekuak bilakatu dira, eta gazteek ez dute udan festak egiteko aukera askorik; gauzak horrela, badira etxebizitzak alokatu dituztenak, bertan festa klandestinoak antolatzeko. Hau ekiditeko saiakeran, Airbnb-k murrizketak ezarri dizkie 25 urtetik beherako erabiltzaileei.
Erresuma Batua, Frantzia eta Espainia dira murrizketa horien lehen helmugak; hala, 25 urtetik beherakoek hainbat baldintza bete beharko dituzte plataformaren bidez etxebizitzak alokatzeko. Besteak beste, alokairua erabiltzaileen ohiko etxebizitzatik gertu ez egotea eskatuko dute; dena den, erabiltzaile horiek 3 iritzi positibo eta negatiborik ez badituzte, ez zaie murrizketa aplikatuko.
Neurri hau hilabetez frogatuko dute.
