Aimar Olaizola: "Ez da erraza bikotekidea aurkitzea".

Aimar Olaizola: "Ez da erraza bikotekidea aurkitzea". https://www.gaztezulo.eus/albisteak/aimar-olaizola-quotez-da-erraza-bikotekidea-aurkitzeaquot/@@download/image/45p52-1.jpg
2012/12/13
elkarrizketa
Jon Odriozola
Scorpius. Datorren azaroan, 25 urte beteko ditu.
Ehizazalea. Adarraga (Logroño) eta Labrit (Iruñea) ditu jokatzeko pilotaleku kuttunenak.

Arrunt laket dut: Koadrilarekin izatea, tarteka ordu batzuk lagunekin ibiltzeko hartzea.

Ez dut parean ikusi ere egin nahi: Lausengariak. Pilotarion ingurumarian beti ibiltzen da baten bat.  


Lasaigarri zait: Txakurrekin mendian barrena ibiltzea.

Sutan jartzen nau: Pilota partidetan nahi eta ezinak.


Bertutea: Irekia naiz, lagunen laguna.

Akatsa: Ohetik altxatzea asko kostatzen zait.


Ametsa: Buruz buruko txapela erdiestea. Lau t'erdiko txapel bat irabazi dut, eta buruz buruko final bat jokatu dut.

Amesgaiztoa: Pilota partida bat jokatzera atera, eta takorik gabe irteten naizelako larritzea.


Barre algara eragiten dit:  Barre errazekoa naiz, beti irribarretsu ibiltzen naiz.  

Negargura ez dut urruti: Sentibera naiz. Tokian tokiko gertaerak, tristeak batik bat, asko sentitzen ditut.


Urrea: Gurasoei, emandako laguntzarengatik. Gainera, anaiak eta biok jokatzen ditugun partida guztietara joaten dira.  

Ikatza: Besteen kontura bizi direnei. Pilotan, interesarengatik mugitzen den jende asko dago.  


"Anttoni, Anttoni, zure atean nago ni…": Saiatu izan naiz, baina ez da batere erraza bikotekidea lortzea. Neskak nirekin beldurtzen direla uste dut.

"… ai Antton, ai Antton, ate ondoan hor konpon": Kalabazak ere jaso izan ditut, denon antzera, amodioak denetarik baitauka.


Jokatu izan duzun pilota partida biribilena: Duela bi urte Abel Barriolaren kontra jokatutako Lau t'erdiko Txapelketako finalerdia. Oso partida gogorra izan zen, eta zorionez 22-17 irabazi nuen.

Ez zen berehalakoan bukatu…: Partida asko, baina iaz Gasteizko Ogetan Juan Martinez de Irujoren aurka jokatutakoa. 22-1 hartu ninduen menpean: berari dena primeran atera zitzaion, niri, berriz…


Hatzak zupatzen ditut: Amak usoa saltsan oso ongi egiten du!

Gogoko ez dudan jakia: Eltzeko jakiak; garbantzuak, babarrunak…


Dirua ordainduko nuke: Fernando Alonso 1 Formulako gidariarekin ibiltzeagatik. 
Ez nioke xentimorik ere emango: Ogasunari!