Afterlight

Denbora darama iOS sisteman, eta orain, Android gailuentzako ere eskuragarri jarri dute. Erabiltzaile askoren ustez, argazkiak editatzeko aplikaziorik onena da. App Store-an aplikaziorik salduenetakoa izan da, eta hori ez du edozeinek lortzen; are gutxiago, argazki editoreen merkatuan dagoen antzeko aplikazio mordoa kontuan hartuta. Afterlight-ek duen berezitasun nagusia eskaintzen duen aukera aniztasuna da: markoak, iragazkiak, testurak, argazki mozketa, transformazioa, letrak txertatzeko aukera...